Christmas Wish list ko ???

Kung ikukumpara sa mga nagdaang kapaskuhan, itong kapaskuhang ito ang pinaka simple, bukod sa wala akong natanggap na regalo ay hindi namin kasama ang lolo ko, dahil hindi sila nakapunta noong noche buena. Oo maraming handa at may ilang mga bisita,
Kaya naging masaya padin ang gabi. Kung tatanungin ako sa kung ano ang gusto ko ngayong pasko, wala na kong mahihiling pa. Maayos at maganda ang takbo ng negosyo ng pamilya, maayos ang trabaho at sahod ng ate at kuya ko. Meron kami ng aming mga kailangan at maayos ang kalusugan ng pamilya ko. Gusto ko lang na nawa ay magpatuloy ang ganitong buhay namin, at kahit na may pagsubok pa ay mabilis din namig malagpasan sa tulong at gabay ni Lord.

Nag-iisip at nagwawaksi

Mahirap maging isang leader ng grupo. Hindi ko alam nga minsan kung tama ba na ako ang nangunguna sa kanila eh ganong parang ayaw naman nila at sinasabi nila na parang BIDA-BIDA ako masyado ngayong sila naman ang may gusto na gawin ko ang mga bagay sa aming grupo ng mag isa. Nakakainis lang isipin na matapos ng lahat ng sakripisyo at ginawa mo para sa grupo mo na halos lahat ng subject ay ikaw ang leader ay hindi pala nila gusto na ako ang nagrerepresenta sa kanila. Sana manlang kasi nagsabi sila diba ? Hindi yung sasabihin nila ngayon kng kelan huli na ang lahat.

Mama at Papa

Mahalaga sila para sakin, siyempre, lahat naman yata ng anak pinapahalagahan ang magulang nila. Alam ko kung gaano sila kaimortante, simula sa pagbibigay nila sa akin ng buhay, pagmamahal, pag-aalaga, at pag tatrabaho para sa mga pangangailangn ko at ng mga kapatid ko. Pero may mga oras na nararamdaman ko na parang hindi tulad ng pagpapahalaga ko sa kanila ang binabalik nila sa akin,. Kahit alam kong mali na isipin ang mga bagay na ito pero naroon parin ang mga oras na maiisip ko ito at mararamdaman. Gya na lang noong grade 5 ako, top 2 ako ng section 1, andami kong award ng araw na yon, bago ko umalis ng bahay pra pumunta sa school para sa awarding, binilinan ko si mama na sumunod siya sa akin para naman masabiyan niya ako ng medalya at mapakita sa mga kapwa niya magulang na magaling siya sa kanyang pagiging ina. Pero hanggang sa tinawag na ang aking pangalan, hindi parin siya dumating. naalala ko nga na tinanong ako noon ng principal kung nasan ang mga magulang ko, ang sabi ko wala po, at pagbaba ko ng stage bigla na lang akong umiyak dahil nakikita ko ang mga nanay ng ibang mga estudyante na masayang umaakyat sa entablado para sabitan ng medalya ang kanilang mga anak. Pag uwi ko pa noon sa bahay ay tuwang tuwa akong sabihin sa kanya na top 2 ako at nakuha ko ang award na best in english, at most dillegent, pero ang sinabi niya sakn, "top 2 ka lang? ". Hindi ko sinasabing masama ang maga magulang ko, mahal ko sila at napaka halaga nila sa akin, ewan ko ba, nakakinis din kasi minsan. Sa school, madalas hindi nila kinukha ang card ko, sakit nun ah. At minsan hindi manlang nila iniisip na baka pagod ako galing school at marami akong dapat tapusing gawain, sa bahay at paaralan, at dadagdagan pa nila, sasabihan ka pa na tamad at walang ginagawa, ang hirap kaya mag araal sa panahon ngayon.

 Hay nako sa inyo ma at pa, basta mahal ko kayo, tapos.

#stressfullparents

Sabado at Linggo nanaman !!!

Haaayyyyyy......... gaya ng dati, ganon nanaman ang sabado at linggo, gumising, kumain, naglinis, ng bahay, naglaba at kung ano ano pa, pero ang pinaka masaya sa sabado at linggong lumipas ay sa wakas, napaayos ko na ang phone ko na ako rin midmo ang sumira.

Ala una na ng pumunta kami ng papa at kapatid ko sa mall para ipaayos yung telepono ko, sa kabutihang palad ay nkahanap kami agad ng magaayos. Kinakabahan ako habang inaayos ang telepono ko. Nang matapos na, tinanong namin ang gumawa kung ayos na bang iuwi iyo, pero sabi niya hindi pa daw naayos ng mabuti kaya kelangang iwan at balikan bukas, kaya umuwi na kami at ginawa ang mga dapat gawin.

Kinabukasan araw ng linggo, nagsimba kami, pagkatapos ay umuwi at kumain, sandali akong naghugas ng pinggan at saka kami umalis ng papa ko para pumunta ng mall, at sa wakas ! Naayos na ! umuwi rin kami agad at yon, masaya naman, pero minsan, hindi na ta-touch yung screen at at maski pindutin ko pa yung lock screen button, ayaw padin mamatay ng screen kaya kelangan kong tanggalin a yung batery, buti na lang may 1 week warranty, haahahahahahahaha. ANSAYA. yun lang, salamat.

Kalakasan ng mga Kababaihan

Ang pelikulang ito ay nagpapakita ng kalakasan at kakayahan ng mga kababaihan. Pinatunayan nila sa pelikulang ito na hindi lamang mga lalaki ang kayang sumabak sa mga digmaan na kung ihahambing natin sa totoong buhay ay kaya din ng mga kababaihan ang mga bagay na karaniwang mga kalalakihan lang  ang gumagawa.

Ang paborito kong guro

Marami akong natutunan sa kanya, bukod sa mga pang akademiko ay malaki rin ang naging impluwensya niya sa akin pagdating sa pagtuturo ng disiplina. Siya ay si Gng. Cabato. Naging guro ko siya ng ako ay nasa ika limang baitang pa lamang. Napakarami kong natututnan sa kamya dahil sa galing niyang magturo na hinahaluan pa niya ng pagpapatawa para maging masaya ang klase, bukod don, napakalaki din ng kanyang simpatya para sa kanyang mga estudyante. Naalala ko, uwian na noon, napaka lakas ng ulan at mahigit kalahating oras na akong naghuhuntay na tumil ito dahil sa  wala akong payong. Nabutan ako ni mam malapit sa gate na mag isa t inanong niya ako kung saan ako nakatira at tumawag siya ng trycicle at doon niya ako pinasakay, binayaran niya ang pamasahe at nakangiting sinabi na magiingat daw ako. Sobrang laki ng naitulong niyang iyon sa akin dahil dahil sa kanya ay hindi ako naabutan ng dilim sa daan. Nkakalungkot lang na ngayon ay sa probisya na siya ng tuturo at hindi ko na mabibisita ang taong nagsilbing nanay ko sa lob ng isang taon.

Bakit mahalagang pag aralan ang Sanaysay ?

Mahalaga ito upang lalo pa nating maunawaan ang mga sanaysay na ating binabasa at magkaroon ng magandang interpritasyon dito. Mhalag din ito sa pagkat dito ka makakakuha ng mga impormasyon na magagamit nati sa ating pang arw araw.